Лӱм: Леонид Александрович Голиков.
Шочын: 1926 ий 17 июнь, Новгород кундем Лукино ял.
Подвиг: 1942 ийыште Ленинградысе 4-ше партизан бригадыш ушнен. 67-ше партизан отрядын разведчикше лийын. Ты ийынак немыч генерал-майорын машинажым пудештарен да документан сумкажым партизан-влаклан конден. Л.Голиков 27 боевой операцийыште лийын. 2 кӱртньыгорным, 12 кӱварым, 2 складым, 10 боеприпасан машинам да 80 наре фашистым пытарен.
1943 ий 24 январьыште ӱмыржӧ кӱрылтын.
Чап: 1942 ийыште «За отвагу», «Партизану Отечественной войны» медаль-влак, Йошкар Шӱдыр, Ленин орден-влак дене палемдалтын.
Омск, Донецк, Калининград, Санкт-Петербург, Йошкар-Ола, Новгород олаласе урем-влак геройын лӱмжым нумалыт.
Великий Новгород, Евпаторий олалаште, Самара кундемысе Ягодное селаште Л.Голиков лӱмеш памятникым шогалтыме.
1944 ийыште Совет Ушем Герой лӱмым пуымо.
#пионерГерой
