Петр I руш кугыжанышым вуйлатыме жапыштыже ятыр у вашталтышым илышыш пуртен. Иктыже – у школ-влакым почмаш. Тунам Российлан тунемше еҥ-влак чот кӱлыныт. Самырык дворян-влакым йотэллашке тунемаш колтеныт, тыгак туныктышо-влакым Российышке ӱжыныт. Петербургышто да Москошто навигацкий, артиллерийский да инженерный школ-влакым почыныт. Тыгак «цифирный школ-влакым» пашаш колтеныт. Тушто тӱҥ шотышто лудаш да арифметике ден геометрийым туныктеныт.
Пётр I – 350 ий
