Элина Азеева (снимкыште) Кужэҥер район Токтайбеляк школышто 7-ше классыште тунемеш. «Ямде лий» газет дене кылым куча.
– Марий книга-влакым лудаш моткоч йӧратем. Нуно сылнымут тӱняш корным почыт. Василий Регеж-Гороховын да Зоя Дудинан серымышт утларак келшат. Куштылгын возымо, келге шонымашан почеламутыштым йӱдвошт лудын кертам. Марий мутмастар-влакын сылнымутышт мыйымат почеламутым возен ончаш кумылаҥден, – ойла Элина.
Шукерте огыл мый Василий Юксернын «Марий патыр-влак» книгажым лудын пытаренам. Тиде книгаште марий талешке-влак нерген легенде-шамыч улыт. Чоткар ден Онар нерген возымыжо эн чот келшен. Мыйын шонымаште, нине патыр-шамыч чынжымак…
Моткоч ожно илен улмаш Онар. Тудо виян, пеҥгыде капкылан лийын. Юл эҥерыш пурымеке, кыдал йотке веле нӧрен, эн кӱкшӧ пушеҥге пулвуйжо марте шуын. Икана Марий кундемыште илыше керемет ден Аждага…
