Мыйын коваемын лӱмжӧ– Валентина Николаевна Григорьева. Тудо Морко районысо Тошметсола ялеш шочын-кушкын. Горельский школышто тунемын. Кыдалаш шинчымашым Усурт Вараҥыж школышто налын. Вара Йошкар-Олаште ургызылан тунемын. Морко быт пӧртыштӧпашам ыштен. Изи Маршан ялышке кочаемлан, Вячеслав Гурьевичлан, марлан лектын. Илыш пӱрымаш Эҥерсола кундемысе «Рассвет» колхозыш конден. Кочам ялозанлыкым вуйлатен, ковам – йочасадым. Вара воспитательлан пашам ыштен. Нуно кок икшывым ончен куштеныт. Авам Вика – «Звениговский» совхозышто ветеринар. Владик (тудо мыйын кресачам) СВОшто Шочмо элым арала. Ковам кажне кечын тудым вуча.
Ковамын ныл уныкаже уло. Ме тудым Ӱдырамаш пайрем дене шокшын саламлена. Да тыге ойлена: «Ит ойгыро, ковайна! Ме тыйым чот йӧратена да тый денет кугешнена!»
Павел МАКСИМОВ.
Морко, Эҥерсола.
