Тений Коркатово лицейыште шымше классыште тунемаш тӱҥальым. Ондакше Арын школышто шинчымашым погенам. Марий йылмым да литературым Н.В.Аркадьева туныкта. Нина Вениаминовна икымше урок гычак кумылем савырыш. Чылажымат тыматлын, ласкан да раш умылтара. Поро кумылан, йочам умылен моштышо туныктышо. Пагалыме еҥым Туныктышын кечыж дене саламлем. Саламлымашке шымше классыште тунемше йолташем-влакат ушнат.
Лиза ЯКОВЛЕВА.
Морко, Коркатово.
