Поро паша куандара

– Школьник-влакын российысе толкынышт мыланем волонтёр пашашке корным почын, тӱрлӧ конкурсышто мастарлыкым ончыкташ йӧным ыштен, – ойла 3-шо номеран Советский школын 9-ше классыштыже тунемше Мария МАРТЫНОВА (снимкыште).

Чынжымак, Машан сеҥымашыже шагал огыл. Эн кугу сеҥымашлан «Здорово, когда на свете есть друзья» республикысе, «Школьная классика» всероссийский конкурслаште ончылно лиймыжым шотла. «Окна Победы», «Письмо Победы» акцийлашке кажне гана кумылын ушна. Ӱмаште кеҥежым «Импульс» профильный лагерьыште изирак группын организатор-инструкторжылан тыршен.

– Мый еҥ-влаклан полшаш йӧратем. Поро паша чоным куандара, кумылым нӧлта. Йолташем-влак дене тӱрлӧ мероприятийым эртарена. Мутлан, ӱмаште йоча-ша-мычым «Форт Боярд» модыш дене модыктенна. Ӱдыр-рвезе-влаклан куаным пӧлеклен, шкежат шулдыраҥына. «Поро паша арам ок йом», – маныт калыкыште. Садлан поро кумылемым еҥ-влаклан кажне кечын гаяк пӧлеклаш тыршем, – ойла чолга ӱдыр.

 

  • Христина Александрова

    «Ямде лий» газетын редакторжо.

    Related Posts

    Йоча газет дене пырля лий!

    «Ямде лий» газетыште республикысе чолга ӱдыр-рвезе-шамыч нерген шуко материал, ушакылым пудыратылаш таратыше модыш-влак да молат савыкталтыт. Йочан сылнымут саскажым иквереш чумыра, увер тӱняш омсам почеш. Марий сылнымут деке шӱмаҥше, калыкын…

    Марий олаште

    Башкортостан Республик Калтаса, Мишкан, Пӱрӧ районла гыч куд тунемше ден кум туныктышо Йошкар-Олашке марий йылме да литератур дене регион-влак кокласе олимпиадышке микроавтобус дене миенна. Тушто мемнам шокшын вашлийыныт, тӱшкагудышко илаш…