Могай куан: кажне тунемшын кидыштыже – шочмо марий йылме дене савыкталтше «Ямде лий» газет! Морко район Шӱргыял школысо «Рвезе тукым» йоча ушемын уста ӱдыр-рвезыже-влак (снимкыште) йоча газет дене пеҥгыде кылым кучат. «Марий сылнымут садвечыште» кружокышто шинчымашым налын, газет ден журналлашке возымо пашаштым колтат. «Ямде лий» газетын эртыме корныжо дене палыме лийыт. Марий тиштын вияҥмаштыже йоча газет изи огыл верым айла. Шольо-шӱжарыштым «Ямде лийым» лудаш, подпискым ышташ кумылаҥдат. Йоча ушемын чолга ӱдыр-рвезыже-влак поро пашам шуктен кушкыт. Вет нуно волонтёр улыт. Йоча-влакым чыла тиде сомыллан школышто марий йылмым да литературым туныктышо Е.В.Григорьева шӱмаҥда.
Л.ГРИГОРЬЕВА.
