Шукерте огыл ме, Софья Иванова, Елена Пояркова, Виктория Москвина да мый, наставникна Надежда Георгиевна Алексеева (снимкыште) дене пырля «Движение Первых» толкынын эртарыме «Благо твори» всероссийский добровольческий слётышто лийынна. Ныл кече моткоч писын эртен. Кажне кече ойыртемалтын, ушеш кодын. Ме занятийыш коштынна, уна-влак дене вашлийынна, мастер-класслашке ушненна. Тыгак моло кундемысе наставник-шамыч дене пашам ыштенна да шуко у йолташым муынна. Толкынын председательже Артур Орлов мемнан виян улмына нерген ойлен. Тиддене тӱрыснек келшем!
Элым аралыше-влакым шарныме лӱмеш пытартыш кечын муралым почынна, пеледышым, пушеҥгым шынденна. Тылеч посна Самара оласе мотор верламат ужаш йӧн лийын.
Икманаш, слёт поро пашам шуктышо, иксемын шонышо волонтёр-влак дене вашлийын кутыраш, у сомыллан тунемаш корным почын.
Полина ЩЕГОЛЕВА.
Марий Турек школ.
Фотом школ архив гыч налме.
