Мыланем – 12 ий. Мемнан элнам кызыт нимогай сар ок тӱкӧ манын шоненам. Но Саша изамым СВО-ш ужатышна. Кажне кечын йыҥгыртымыжым, эсен да таза пӧртылмыжым вучена. Шукерте огыл кокымшо изам, Костя, салтак радамыш ушныш. Кызыт Моско воктене служитла.
Ковамын ойлымыж почеш, тудын кочаже, Никита Яковлевич Шугуров, Кугу Ачамланде сарыш икымше ийыштак каен да 1942 ийыште Ленинград олам аралымаште вуйжым пыштен. «Шарнымаш книгашке» тудын лӱмжым пуртымо.
Мыят икмыняр ий гыч Ачамландым аралыше-влак радамыш шогалам. Кугезе кочамын, кочамын, изам-шамычын корныштым умбакыже шуяш тӱҥалам. Шке порысем мыят шуктем!
Егор ИЗЕРГИН.
Татарстан, Агрыз, Буймо.
