Россий калык-влакын икоян улмо идалыклан пӧлеклалтше фестиваль школышто эртаралтын. Кажне класс ойырымо калыкше нерген каласкален, тудын калык вургемжым ончыктен, кочкышыж дене сийлен. Икымше кече моткоч оҥайын эртен. 1-4-ше класслаште тунемше-влакын пайремышт лийын. Вара 5-7-ше классла гыч ӱдыр-рвезе-шамыч палдаренна. Мыланна, 6-шо «Б» класслан (снимкыште), татар калык логалын. Класс вуйлатыше дене пырля Татарстан Республик нерген шуко материалым погенна. Чыла иктешлен, программым ыштенна. Сценышке чыланат лектынна. Кажныже тиде республик да тудын калыкше нерген каласкален. «Тюбетейка» татар модыш дене модынна. Модмо годым почеламутым татарла пырля ойленна. Татар поэт Муса Джалильын «Молодая мать» почеламутшым лудынна. Татар вургемым чиен куштенна. Мемнан дене пырля кушташ класс вуйлатыше Людмила Яковлевнат лектын. Ме пеш йывыртенна. Ончышо-шамычым чак-чак, эчпочмак дене сийленна.
Таня БЫЧКОВА.
Звенигово, Чакмарий.
Фотом школ архив гыч налме.
