Школыштына чуваш калыкын тӱвыражлан пӧлеклалтше мероприятий эртаралтын. Кумшо классыште тунемше-влак (снимкыште) пошкудо калыкын эртыме корныжо, йӱлаже, усталыкше дене палыме лийыныт. Чуваш калык вургем, кажне тӱрын мом ончыктымыж нерген шуко оҥайым пален налыныт. Ойыртемалтше кочкышыштым тӱткын онченыт, тудым кузе ямдылыме радамым шарнен кодаш тыршеныт. А калык модыш дене модын, капкылыштым шуареныт, вуйыштым кандареныт.
Тыгай мероприятий моткоч кӱлешан. Вес калыкым пагалаш туныкта да тӱняумылымашым кумдаҥда.
Н.Г.ВОЛКОВА.
Шернур, Лажъял.
Фотом школ архив гыч налме.
