Кажне кеҥеж канышна мо дене гынат ойыртемалтеш, могай-гынат у шижмашым, шарнымашым пӧлекла. Ик каныш кечын, машинаш шинчын, Звенигово олаш еш дене тарванышна. Фотошто моторлыкшым эскерен, шке ужмына шуын. Шонымашна шукталте. Эн ончыч олан рӱдӧ верыштыже коштна, тӱрлӧ памятник воктене фотом ыштышна. Эйфельын башньыже моткоч келшыш (снимкыште). Тиде, мутат уке, Парижысе гай огыл, но тудым садак ушештара. Вара Юл эҥер серыш ошкылна. Ах, могай мотор, нимогай теҥызат ок кӱл! Тушто шер теммеш йӱштылна, каналтышна. Вий-куат погынымым шижын, мӧҥгӧ тарванышна. Тӱрлӧ вере чӱчкыдынрак лектын кошташ кӱлеш. Тунам кумыл эре кӱшнӧ лиеш.
Ксения СТОЛЯРОВА.
2-шо номеран Морко школ.
Авторын фотожо.
