Марий ден чуваш-влак пошкудо улына, икте-весылан эҥертен илена. Йылмына тӱрлӧ семын йоҥ- га гынат, икгай шомак ятыр уло. «Чуваш» мут XVI курымышто веле шочын. Тудо «çӑваç» татар шомак гыч лийын. Руш йылмыш кусараш гын, «заречные» але «прибывшие с другого берега» манме лиеш. Марий йылмыште «ӱ» буква уло, а чуваш йылмыште – «ӳ» (кок тоян «у»). Нуно иксемын йоҥгат.
Чуваш калыкын сымыктышыже поян, тӱржӧ ойыртемалтше. Шупашкар олаште Чуваш тӱр тоштер уло. Чуваш ӱдырамаш вургем моткоч мотор. Верховой чуваш (шкеныштым «тури» (курык) маныт) ден курыкмарий-шамычын ӱдырамаш вургемыштышт икгайлык ятыр уло.
Ме шанчыеҥ-влак Никита Бичурин, Дюис Ивлев, Геннадий Волков, архитектор Петр Егоров, поэт Геннадий Айги, балерине Надежда Павлова, олимпийский чемпион-влак Олимпиада Иванова, Елена Николаева, Валерий Ярды, Владимир Воронков да моло дене кугешнена. Тӱнямбалысе кумшо космонавт Андриян Николаев чуваш лийын.
Чуваш улмем дене моткоч кугешнем!
Диана АЛЕКСЕЕВА.
Чуваший, Чебоксар оласе 44-ше номеран лицей.
Фотом еш архив гыч налме.
Диана аваже да Ирбина шӱжаржедене пырля.
