Мый Кожлаерыште илем. Ялемым чыла могырымат чодыра арала. Мыланем тыге чучеш, пуйто пушеҥге-влак айдеме-онар улыт. Нуно виян оҥышт дене ялемым чыла осал деч арален шогат.
Чодыран моторлыкшым кужу жап ончаш лиеш. Кожерыште улшо кажне пушенгым да вондерым изи азала шыматыме але вӱчкалтыме шуэш. Чодырашке мийымем годым тыгак ыштем. Вуйыштым гына шыматен ом керт. Тидым лач Ший пӱян ший Пампалче ыштен кертын. Мый тыглай марий ӱдыр улам, но ушем дене Юмынӱдыр семын Тылзышкат нӧлталт кайымем шуэш.
Яна ДМИТРИЕВА.
Морко район.
