«Руш йылме пеш виян да куатан», – тыге ойлен кумдан палыме серызе, этнограф да лексикограф Владимир Даль. Тудын ойжо дене келшыде ок лий. Тӱнямбалне 260 миллион утла еҥ руш йылме дене мутлана. Тудо кажне еҥлан лишыл да шергакан. Руш йылмын кечыжым 6 июньышто палемдаш тӱҥалына. Ты кечынак руш поэт да писатель Александр Пушкиным шарналтена. Тудат ты кечынак шочын. Александр Сергеевич руш йылмым пойдарымаште чот тыршен. Тудын творчествыже руш литературым, сымыктышым вияҥдымаште кугу верым налын. А.С.Пушкин – руш тӱвыран символжо, кызытсе руш литератур йылмын ачаже.
Арина ГРИГОРЬЕВА.
Медведево, Новотроицк.
