1 сентябрь гыч Российыште «Пушкин карте» тӱвыра программым илышыш шыҥдараш тӱҥалыт.
Пушкин карте – самырык еҥ-влаклан лукмо банк карте. Тудын дене вес олаштат тӱрлӧ экскурсийыш, театрыш да моло мероприятийыш каяш билетлан тӱлаш лиеш.
Кок тӱрлӧ
Пластике да электрон карте лийыт. Тушко кугыжаныш 3 тӱжем теҥгем пышта. Тиде оксам вес вере кучылташ ок лий.
Кӧлан пуат?
14-22 ияш ӱдыр-рвезе-влаклан.
Кузе налаш?
«Госуслуги» порталыште регистрацийым эртыман. Смартфонышко «Госуслуги.Культура» приложенийым шындыман. Тушан мероприятий-влакым вераҥдат. Тичмаш афише дене «Культура.РФ» порталыште палыме лияш лиеш.
