Марий Элыште «Пушкин карте» программым илышыш шыҥдарат. Тоштер ден театрлашке билетым тиде карте дене налаш лиеш. М.Шкетан лӱмеш Марий национальный драме ден Марий самырык театрлаштат тыгай йӧн дене пайдаланен кертыда. Театр-влакын сайтыштышт спектакль-влакым «Пушкин карте» тамга дене палемдыме. Районласе школлан тунемшыже-влак класс дене тӱшкан толын кертыт. Марий артист-влак школлашке йодмо почеш шке мияш ямде улыт.
«Пушкин» театрыш ӱжеш
