Волжский район Пӧтъял школышто 5-ше классыште тунемше-влак шольо-шӱжарыштлан «Лудмо шагатым» эртареныт. Изирак класслаште тунемше-шамыч дене пырля «Ямде лий» газетым лудыныт да лончыленыт. Шочмо школышт гыч возкален шогышо юнкор-влакын пашалаштым эн оҥайлан шотленыт. Кугурак ийготан ӱдыр-рвезе-шамыч шольо-шӱжарыштым йоча газетыш возаш кумылаҥденыт. «Лудмо шагатым» ончыкыжымат эртараш мутланен келшеныт.
Кира ДАНИЛОВА,
Полина ВАСИЛЬЕВА.
«Культура для школьников» проект радамыште «Марий калыкын тӱвыра поянлыкше» мероприятийым эртаренна. Туныктышо Елена Валериановна марий семӱзгар-влак дене палдарен. Шиялтыш дене шоктен ончыктен. Мыят ты семӱзгар дене «Морко пазарыш» мурын семжым…
27-28 мартыште Йошкар-Олаште «Первые роли» школ театр-влакын республикысе фестиваль-конкурсышт эртаралтын. Тушко республикысе тӱрлӧ школ гыч 1-11-ше класслаште тунемше артист койышан ӱдыр-рвезе-влак погыненыт. Кок кече жапыште 33 ойыртемалтше спектакльым ончыктеныт. Шернур…
