Республикысе марий тӱвыра рӱдер «Изи гармоньчо» регион-влак кокласе йоча фестивальым Марий самырык театрыште эртарен. Тудо Туныктышын да наставникын идалыкыштлан пӧлеклалтын. Тушто Морко, У Торъял, Параньга, Марий Турек, Волжский, Звенигово районла, Йошкар-Ола, Башкортостан Республик Мишкан, Калтаса районла гыч калык семӱзгар дене шоктышо ансамбль-шамыч да ӱдыр-рвезе-влак туныктышышт дене пырля мастарлыкыштым тергеныт. Сценыште могай гына семӱзгарым шоктен огытыл?! Гармонь, тальянке, тӱмыр, совла, шиялтыш, шӱвыр, кӱсле, шӱшпык ончаш толшо-влакын кумылыштым нӧлтеныт. Изи артист-шамычлан дипломым да пӧлекым кучыктеныт.
Снимкыште: Марий Турек район Кугу Карлыган ял гыч гармоньчо-влак – туныктышышт В.Н.Филиппова дене пырля.
