Теле каныш годым туныктышо-влак дене пырля Москош миенам. Икымше кечын ВДНХ-ште «Россий» ончер-форумын тӱрлӧ павильоныштыжо лийынна. Марий Элын павильоныштыжо Йӱштӧ Кугыза да Лумӱдыр дене вашлийынна. Мыланна нуно пӧлекым кучыктеныт, саламленыт. ВДНХ-ште ик кечыште чылажым ончен пытарашат ок лий. Российын регионжо-влак нерген келге шинчымашым пуышо кугу форум мыланем чот келшен. Кокымшо кечын ме рӱдолан мотор верлаж дене палыме лийынна. Йошкар площадь эн чот ӧрыктарен. Кумда Российын рӱдолашкыже миен толашак темлем.
Дарья РОМАНОВА.
Звенигово, Эсмекпляк.
