Мые школышко пурем,
Онча ик еҥ шинчашкем.
Тиде Рожкин, землякна.
Шарнымаш оҥа кеча.
Йӧсӧ илыш землякнам
Ыш темде нигунам.
Чот тыршалын тунемеш
Да айдемышке лектеш.
Школ паша, вара война…
Фронтыш кайыш землякна.
Ленинградышке шуэш,
Берлинышкат лишемеш.
Сеҥымаш кече вашеш
Госпитальыш логалеш.
Нелын йолжо сусырга,
Курымешлан окшакла.
Кугешнем мый: чылажат
Сеҥен кертын землякна.
Орден да медаль-влак дене
Элна тудым палемден.
– Рожкин тукым улына, –
Манеш туныктышына.
Тудын лӱмеш пашана
Кажне ийын ворана.
Валя КУШАКОВА.
Советский, Ӱшнӱр.
