Рыскалан улам

Мый Пелемеш ялыште илем. Пеш чот рыскалан улам. Шочмо ялыштем кочаем Матвей Степанович ден коваем Лидия Алексеевна улыт (снимкыште). Нуно вич икшывым ончен куштеныт, иктыже – мыйын авам. Шочшо-влак чыланат икте-весылан ваш полышкален, келшен илат. Меат, уныкашт, коча-кова дек чӱчкыдын коштына, нунылан кертмына семын полшена. А ковай мемнам кажне гана тутло кочкыш дене сийла. Тудын коҥга мелнажат, когыльыжат, вареньыжат, эсогыл чайжат эн чот тамле.

Кугешнен каласем: тиде пӧртыштӧ чайым кызытат шӱй дене шолтымо самовар гыч йӱыт. Коваймыт дек кеч-кӧ пура гынат, ик чашке чайым йӱде ок кай. Тетла тыгайым кушто тамлен ончет?! Мемнан ялыште тетла нигӧн уке. Тидын нерген ялыште гына огыл, районыштат палат. Корреспондент-влак, икмыняр гана толын, репортажым войзен каеныт. Кочаем ден коваемым моткоч пагалем!

Татьяна МИХЕЕВА.

Татарстан, Агрыз.

Фотом еш архив гыч налме.

Мутер
Рыскалан – пиалан.
  • Related Posts

    Икымше таҥасымаш

    29 октябрьыште Советский районысо Роҥго кыдалаш школышто дроным виктарыме дене «Пилоты будущего» чемпионатын регионысо йыжыҥже эртаралтын. Тудым «Движение Первых» толкын «Молодёжь и дети» нацпроект почеш эртарен. Таҥасымашке 48 ӱдыр-рвезе ушнен.…

    Усталыкнам тергенна

    Октябрь кыдалне У Торъял посёлкысо тӱвыра рӱдерыште «Финн-угор тӱня» районысо фестиваль-конкурс нылымше гана эртаралтын. Тушко У Торъял, Тошто Торъял, Элембай, Немда да Д.И.Онар лӱмеш Токтарсола школла гыч чолга ӱдыр-рвезе-влак ушненыт.…