Моткоч сӧрале шыжым:
Йырваш шӧртнялге тӱс.
Мый тудым кызыт шижым,
Мемнан поян пӱртӱс.
Садерыште пеш тымык,
Лышташ велеш шыман.
А кайык- влакын йӱкышт
Шагал йоҥга кумдан.
Н.ГОДУНОВА.
Йошкар-Ола.
Пашажым йӧрата
Туныктышо. Тиде мутым колмек, шинча ончылнем вигак авамым ужам. Тудо школышто руш йылме ден литературым туныкта. Алеся Валериевна пашам йӧрата, поро лияш кумылаҥда, келге шинчымашым пуа, йоча-влакым пагала. Мыйымат тӱрлӧ…
