Марий Эл гыч кум тунемше Роман Кошкин, Чулпан Гайнутдинова (нуным снимкыште ужыда) да Анастасия Калугина «Сказки народов России и мира глазами детей» VIII тӱнямбал сӱрет конкурсышто 50 сеҥыше радамыш логалыныт. Нуно И.С.Палантай лӱмеш тӱвыра да сымыктыш колледжын калыкле сымыктыш гимназийыште художественный направлений дене ешартыш шинчымашым налыт.
Конкурсышто 19 эл гыч 4 тӱжем 500 йочан сӱретшым акленыт. Йоча-влак беларус калык йомак-влак почеш сӱретлам келыштареныт. Нунын пашаштым кучылтын, йомак книгам сӧрастареныт да савыктеныт. Тыгай конкурсым Российысе сӱретче-педагог-влакын ушемышт ий гыч ийыш эртара.
В.ГОРОХОВА.
