Кочамын акаже – Саки Минилбаевна Ибатова (снимкыште). Тудо 1924 ий 25 мартыште Мандык ялеш шочын. Кугу Ача-мланде сар тӱҥалмеке, 17 ияш лийын, верысе колхозышто шорыкым, имньым кӱтен, йӱд орол сомылымат шуктен, комбайн дене кудалыштын. 1963 ий гыч Мандык фермыште сӧснам ончен. Пашам сайын ыштымыжлан, эре ончылно лиймыжлан 1971 ийыште «Знак Почёта» орден дене палемдалтын. Тыгак «За доблестный труд. В ознаменование 100-летия со дня рождения В.И.Ленина», «Ветеран труда», «Сорок лет Победы в Великой Отечественной войне 1941-1945 годов» медаль-влакын озаже улеш.
Давид ИБАТОВ.
Татарстан, Агрыз, Буймо.
Фотом еш архив гыч налме.
