Кеҥеж каныш годым авам дене пошкудо республикын рӱдолашкыже, Чебоксарышке, миенна. Шупашкар – тошто, но моткоч мотор ола. Юл эҥер серыште верланен. Ола урем-влак кужу да лопка улыт.
Чебоксарыште ик шарныктыш – нылле куд метр кӱкшытан «Ава-Аралтыш» монумент – чонешем логалын. Тудо кидшым кок могырышко шаралтен шога, тыге чуваш мландыште илыше тӱрлӧ калыкым аралымыжым ончыкта.
Мыланем пошкудо олаште пеш келшен. Вес гана адак миен толаш кумылем уло.
Анастасия ПОЛИКАРПОВА.
Йошкар-Ола.
