Ешнам моткоч йӧратем да аклем. Снимкыште марий тувырым чийыше (шола гыч пурлашке) ковам, тукым акам, авам, акам, кугезе ковам да мыйым ужыда. Марла чияш мыланна моткоч келша. Ираида ковам кажнылан марий тувырым тӱрлен чиктен. Кидпашам ыштымыж годым аваж деке, мыйын кугезе ковам деке, эҥерта. Кугезе ковамлан шукерте огыл 85 ий темын. Пайремет дене, кугезе ковай! Таза, кужу ӱмыран лий.
Ксения НИКОЛАЕВА.
Кужэҥер, Йӱледӱр.
