Ачам ден коктын йыгыре пурен шинчынат, тудын салтак годсо альбомжым ончаш йӧратена. Тушко шуко салтак йолташыжын фотосӱретшым пижыктыме, тӱрлӧ мотор сӱрет дене сӧрастарыме. Ачам альбомжым чот арала, тудын дене кугешна да служитлыме жапше нерген чӱчкыдын каласкала.
Ачам Алексей Владимирович Степанов 1999 ийыште салтак радамыш каен. Тудо Владивосток оласе 3724-ше войсковой частьыште кок ий служитлен, кугурак механик лийын. Чечня мландышке командировко дене миен коштын. Тушто йолташыже-влак дене блиндажыште илен. Нуно блокпостым ороленыт. Машина, тӱрлӧ технике колонным вашлийыныт да ужатен колтеныт. Кажне кечын спецзаданийым шукташ коштыныт.
Кугу лиям — мыят армийышке каем.
Егор СТЕПАНОВ.
Морко, Эҥерсола.
