«Самоцветы» икымше

14-15 январьыште Москошто «Московское время-2023» тӱнямбал конкурс-фестиваль эртаралтын. Тушто йоча да самырык-влак мурымо, куштымо усталыкыштым тергеныт. Йошкар-Оласе 6-шо номеран йоча сымыктыш школ пеленысе «Самоцветы» хореографический ансамбль 10-12 ияш-влак коклаште мастарлыкше дене ойыртемалтын. Калык да классике куштымаш таҥаслаште икымше верым сеҥен налын. Ансамбльым пӧлек да диплом дене палемденыт.

– Конкурсышко 12 ияш 23 йочам намиенна, – ойла классике куштымашым туныктышо Е.А.Бушуева. – Кажне таҥасыште кок куштымашым ончыктеныт. Ка-лык куштымашым туныктышо Наталия Геннадьевна Васильева да мый йоча-влакын сеҥымашышт дене кугешнена.