«Авангард» сарзе-патриот рӱдерыште самырык корреспондент-влакын «ЮНКОР12» республикысе школышт икымше гана эртаралтын. Тушко тӱрлӧ район гыч 12-17 ияш шӱдӧ наре ӱдыр-рвезе погынен. Меат, 8-10-шо класслаште тунемше-шамыч Мария Романова, Екатерина Мочалова, Лейла Мухаметова да мый, ушненна. Тыгак директорын воспитаний паша шотышто советникше Е.С.Козлова пеленна лийын. Мемнам снимкыште ужыда. Кандаш командылан шелалтын, медиаконтент нерген пален налынна, медиапроектым ямдылаш тунемынна. Шкенам корреспондент, вӱдышӧ семын тергенна. Оҥай уна-влак дене вашлийынна. Школыштына «Мотор» газетым шукерте огыл савыктен лукташ тӱҥалынна. Ты школышто налме шинчымаш газетнам ямдылымаште кугун полша, шонем. «ЮНКОР12»-ыш логалмым кугу пиаллан шотлем.
Анастасия МУХАМЕТОВА.
Оршанке, Кугунур.
Фотом школ архив гыч налме.
