Медведево посёлкысо Йоча усталык пӧрт пелен «Самырык журналист» объединений пашам ышта. Тудым мый, Руэм школышто тӱҥалтыш класслам туныктышо Лариса Геннадьевна, вуйлатем. Марий тиште кечын йоча-влак дене пырля «Марла лудына» акцийым эртаренна. Руэм школышто 4-ше «Е» классыште тунемше-шамыч «Ямде лий» газет дене палыме лийыныт (снимкыште). Иквереш лудыныт, тӱрлӧ заданийым шуктеныт. Йоча-влак шкештат возен ончаш кумылаҥыныт.
Лариса ПАВЛОВА.
Авторын фотожо.
