Козьмодемьянск оласе 1-ше номеран школын тунемшыже Дима Кулаков «Моя страна – моя Россия» всероссийский конкурсыш ушнен. Тений ты таҥасымаш Науко да технологий идалыклан пӧлеклалтын. Сандене 13 ияш марте ӱдыр-рвезе-влаклан «Сказка о космосе» посна таҥасым темленыт. Дима «Межгалактическая экспедиция» фантастике сынан йомакше дене иктаҥашыже-влак коклаште сеҥышыш лектын.
Конкурсыш Российын 78 регионжо, Исландий, Великобританий, Польша да Киргизий гыч 10 тӱжем наре паша пурен. Эн сай йомак ден сӱрет-влакым «100 сказок о космосе» тӱшка сборникеш савыктат. 13 ияш марте сеҥыше-влак «Артек» тӱнямбал йоча рӱдерыште эртаралтше Междисциплинарный проект школын участникше лийыт.
Е.ИВАНОВА ямдылен.
