Сар корным шымлат

Курыкмарий район Микрак школ Моско оласе Сеҥымаш тоштерын партнёржылан шотлалтеш. Тушто «Школьный музей Победы» программе почеш экспозиций пашам ышта. Тӱҥ шотышто Микрак селан шочшыжо, связь сержант И.П.Седовын арверже ден наградыже-влак аралалтыт. Эн ойыртемалтшыже-влак – немыч трофей баян ден немыч трофей бинокль. Экспонат-влакым Иван Петровичын уныкаже Светлана Титова пєлеклен. Тудын кочаже Сталинград кредалмаште, Крымым утарымаште лийын.
Микряк школ музей 1981 ийыште почылтын. Кок пєлкалан шелалтын. Тӱжем утла экспонат уло. Кугу тӱткыш Кугу Ачамланде сарын историйжылан ойыралтеш. Стендлаште сарын геройжо, войнаште кредалше туныктышо-влакым, кум степенян Чап орденын кавалерже С.А.Катюков нерген материалым ужаш лиеш.
Школыштына «Юный краевед» кружок пашам ышта. Тушко 5-7-ше класслаште тунемше ӱдыр-рвезе-влак коштыт. Нуно землякышт-влакын сар корныштым, Кугу Ачамланде сарыште ыштыме подвигыштым, серышыштым, удостоверенийыштым, наградной кагазыштым шымлат. Погымо материал негызеш шымлыме пашам возат. «Археологические находки» пєлка шукыштлан оҥай. Тудат йоча-влакын тыршымыштлан кєра ешаралтеш. Походыш, эскурсийыш коштмышт годым тӱрлӧ арверым муыт да школ музейыш кондат. Тений, Сеҥымашлан 75 ий теме лўмеш кум стендым келыштаренна: «Они ковали победу в тылу», «Аллея Побед», «75-летию Победы посвящается», – каласкала тоштер вуйлатыше З.Л.Апакова (снимкыште – йоча-влак дене).

 

  • Христина Александрова

    «Ямде лий» газетын редакторжо.

    Related Posts

    Пайдале сомыл

    Республикысе курчак театрыште «Эл – Театр – Школ» V всероссийский фестивальын кокымшо туржо эртаралтын. Тушто 12 команде мастарлыкшым жюри ончык аклаш луктын. 1-ше номеран Морко школ театрын самырык артистше-влакат нунын…

    Талешкым чапландарена

    22 апрельыште Йошкар-Оласе «Герои Отечества» тоштер-патриот рӱдерыште «Ший талешке» шымлыме паша конференций эртаралтын. Тушко республикысе тӱрлӧ районысо школла гыч 15 тунемше ден ик туныктышо ушненыт. Нуно «Талешке мемнан коклаште», «Элым…