Звенигово район Нуктыж клубышто ик оҥай арвер аралалтеш. Тиде фугас авиабомбо корпусын ончыл ужашыже. Ты кӱртньӧ оратан историйже Кугу Ачамланде сар дене чак кылдалтын. Провой кундемыште илыше ӱдырамаш-влак сар годым Звенигово ола гыч Шолэҥер станцийыш тыгай корпусым черет дене шупшыктеныт. Телым имне, эсогыл издер дене шупшыкташ логалын. Издереш муш кандыра дене тореш-кутынь пидын шындыме 100 килограмман яшлыкым шкетын шупшаш неле лийын. Вате-влак, икте-весе дене кутырен келшен, мужыр дене шупшыныт. Пам курыкыш миен шумеке, ӱдырамаш-влак, погынен, черет дене издерыштым кӱзыктеныт. Совет калыклан сар годым шуко неле-йӧсым чыташыже логалын. Кажныже сеҥымашым лишемдаш полшен.
Е.ЮНУСОВА.
