Кугезе ковам – Пелагея Ивановна Пичушкина. Тудо 1933 ий шыжа тылзын 8 кечынже Шернур район Пигурык ялыште шочын. Сар годым уло еш дене сеҥымашым лишемдаш полшеныт. Аваже имне дене шурным олашке шупшыктен, а кугезе ковам 9 ияшак, ӱшкыжым вӱден, пасум куралын, йытын кылтам пидын. Фронтышко колташ солыкым, пижерге ден носким пидын. Пелагея Ивановна ожнысо илыш нерген шыргыжалын, коклан шортын каласкала. Тудын 16 уныкаже, 17 кугезе уныкаже улыт. Кужу ӱмыран лий, ковай!
Юлия УСОВА.
Марий Турек посёлко.
