Мыланем самырык-влакын «Сэлэт» тӱнямбал форумыштышт лияш пиал шыргыжалын. Ты смене «Эколидеры РДШ» маналтын. Форумышто латныл регион гыч тӱжем наре ӱдыр-рвезе лийын. Ме тӱрлӧ экологий йодышым кузе рашемдыме нерген пален налынна. Кумдан палыме еҥ-влак дене вашлийынна, экскурсийыш коштынна. Татарла саламлалтынна, девизнат ты йылме дене йоҥген. Тыгай форумым мемнан дене эртараш кӱлеш. Тунам йоча-влак шочмо йылмым эшеат чот пагалаш тӱҥалыт, шонем.
Елизавета МОСКАЛЕВА.
Семёновко селасе 21-ше №-ан школ.
