Спортын тӱрлӧ видше уло. Мыланем шахмат лишыл. Эше изиэм годымак шахмат дене модаш ачам туныктен. Кажне фигур дене палдарен, кузе кошташ кӱлмӧ нерген каласкален.
Школышто кружокышто шинчымашем келгемденам, сайынрак модаш тӱҥалынам. Кызыт таҥасымашлаште чӱчкыдын уш-акылем тергем. Сеҥыше радамышкат лектам. Шахмат дене районын первенствышкыже тӱшкан (снимкыште) ушненна да кокымшо лийынна. Ончыкыжымат у кӱкшытыш шуаш тыршаш тӱҥалына.
Алина СУББОТИНА.
2-шо номеран Морко школ.
Фотом школ архив гыч налме.
