Волжский район Пӧтъял школын командыже (снимкыште) тунемше-влак кокласе «Президентские состязания» всероссийский спорт таҥасымашын финалыштыже Марий Элын чапшым кандашымше ий почела арален. Тений тудо «Орлёнок» всероссийский йоча рӱдерыште эртаралтын. Российын 74 регионжо гыч ялысе школ команде-влак таҥасеныт. Ӱдыр-рвезе-влак спорт многоборьеште, эстафетыште, теорий да усталык конкурслаште вий-куатыштым да мастарлыкыштым тергеныт. Пӧтъял школын тунемшыже-влак многоборьеште икымше верым сеҥен налыныт. Никита Алексеев (пурла гыч кокымшо) личный первенствыште кумшо лийын. Чумыр таҥасымашым иктешлымеке, Марий Элын командыже индешымше верыш лектын. Сеҥымашке шумаште физкультурым туныктышо А.А.Семёновын надырже моткоч кугу. Чылаштым шокшын саламлена!
