Кеҥеж канышем ятыр жап шарнаш тӱҥалам. Мый, 10-шо классыште тунемше Анна Сидорова да математикым туныктышо Галина Алексеевна Лихачёва 3-14 июльышто «Совесть памяти» кычалше отряд (снимкыште) дене пырля Ленинград кундемыште кумдан чапла ныше Невский пятачокышто лийынна. Тиде отрядым Римма Сергеевна Троицкая ден Чулпан Нуретдиновна Гимадеева вуйлатат. «Совесть памяти» отрядым 2014 ийыште Татарстан Республикысе Верхнеуслонский школ пелен чумырымо.
Кок арня жапыште чодыраште палатке лагерьыште иленна. Ты кундемыште Кугу Ачамланде сар годым тале кредалмаш лийын. Окоплам кӱнченна, кычалме пашам эртаренна. Противогазым, каскым, пулям, гранатым, мине-влакым да молымат муынна. Кычалме паша деч посна мыланна тӱвыра программым ямдыленыт. «Прорыв» музей-панорамыш, Шлиссельбургышто верланыше Орешек орыш экскурсий дене миенна, пуш дене ийын коштынна.
Экспедиций чылалан келшен. Мый шуко йолташым муынам, кызыт кылым кучена. Тӱҥжӧ – герой-влакын лӱмыштым арален кодымашке изи надырым пыштенна.
Магдалина БАТАЕВА.
Звенигово, Чакмарий.
Фотом еш архив гыч налме.
