Пытартыш жапыште Марий кундемыште ӧрыктарыше, палыдыме копшаҥге, янлык-влакым шекланыме нерген увер-шамыч чӱчкыдынак йоҥгат. Нуно могай амаллан кӧра илыме верыштым вашталтеныт? Айдемылан эҥ гекым конден кертыт мо? Нине йодыш-влаклан «Кугу Какшан» заповедникын кугурак шанче пашаеҥже Геннадий Алексеевич Богданов (снимкыште) вашешта:
– Пытартыш ийлаште игече вашталтмылан кӧра икмыняр янлык ден копшаҥге-влак мемнан республикышке кечывалвел кундем гыч «илаш кусненыт». Тыге копшаҥге ешыш кок у эҥыремыш, трай ден богомол ешаралтыныт. Нарынче тӱсан хейракантиум колющий але калык коклаште жёлтый сак семын палыме эҥыремыш аяран. Тудым шекланеда гын, кид дене ида тӱкӧ! Жёлтый сак моткоч корштарен пурлеш. Аяр логалме да пурлмо вер ятыр жап пуалеш. Тыгак айдемын организмыштыже аллергий реакций тӱҥалын кертеш. Арамлан огыл жёлтый сак Европысо эн шучко 10 эҥыремыш радамыш пура. Тыгак у трай деч шекланыман. Аяран огыл гынат, 19 тамган арлекин трайын лукмо виш кыдыже шинчаш логалеш гын, ятыр жап коршташ тӱҥалеш.
Катя СЕРГЕЕВА мутланен.
Фотом еш архив гыч налме.
