1941 ий 22 июньышто кажныжын суртышкыжо кугу ойго толын. Мемнан элна ик еш семын фашист-влак ваштареш кредалын. Йоча-влакат тиде шучко илышым шке шинчашт дене ужыныт. Нуно 5, 8, 12 ияш лийыныт гынат, сарым сайын шарнат. Сеҥалтмашын кочыжым, сеҥымашын куанжым ончен кушкыныт. 30-шо ийлаште шочшо-влаклан шуко чыташышт логалын. Нунын надырышт изи манын шонена, но кугу пашам шуктеныт. Иктышт фронтышто кредалыныт, весышт партизан отрядлаште лийыныт. Миллион дене ӱдыр-рвезе станок ончыко пашам ышташ шогалын. Сар нунын чонешышт шем палым коден.
Кирилл ЧУМАЕВ.
Параньга, Олор.
