Шергакан парт

Специальный сарзе операцийыште ятыр рвезе воинский порысшым шукта. Мемнан кундем гыч мобилизаций почеш тушко логалше икымше патыр – Сергей Валерьевич Бурков. Тудо 1994 ий 13 февральыште шочын. Коҥганур школышто тунемын. 2012-2013 ийлаште армийыште служитлен. 2022 ий 26 сентябрьыште специальный сарзе операций радамыш ушнен. Шкенжым лӱддымын кучен. Ик боевой заданийыште чот сусырген да ӱмыр лугыч лийын. Колымыж деч вара Мужество орден дене палемдалтын.
Кодшо ийын школыштына геройын, Сергей Бурковын, партшым почыныт. Туддене ик ял гыч улына. Мый Сергейым весела, поро кумылан рвезе семын шарнем.
Школ илышыште шкем чолган ончыктымемлан, тӱрлӧ пайремыште вӱдышӧ лиймемлан, районысо да республикысе мероприятийлаш ушнымемлан мыланем ты парт коклаште шинчаш ӱшаненыт. Але марте ик тунемшыланат тыгай пиал шыргыжалын огыл. Чонышто ылыжше кугешнымаш кугу ответственностьым «шочыктен». Умбакыжат уста, чолга лийман. Талешкын лӱмжым чапландарыман.

Анна СОКОЛОВА.
Кужэҥер, Коҥганур.
Оля Майкован фотожо.

  • Related Posts

    Шарнена да кугешнена

    Кугу Ачамланде сарыште элым аралыше, Афганистаныште, Чечен Республикыште кредалше да СВО-што вуйым пыштыше землякна-влак лӱмеш мемориал комплексым Кугу Шальыште шукерте огыл почыч. Калык лыҥ погынен. Уна-влакат толыныт. Кугыеҥ-шамыч патырна-влакым шарнаш…

    Кочо таман йоча пагыт

    Кугезе ковам Кугу Ачамланде сар нерген ачамлан ятыр каласкален. Ачам – мыланем. Анна ковам Мандык ялеш 1934 ийыште шочын. Тудо тыге ойлен: «Сар тӱҥалме кечын ме модын куржталынна. Калык –…