25 ноябрьыште Республикысе марий тӱвыра рӱдер «Мунло» республикысе уш-акыл марафоным онлайн эртарен. Тушко Йошкар-Ола да республикын кажне гаяк районжо гыч 19 команде ушнен. Ӱдыр-рвезе-влак «Шочмо кундемын кумдан палыме еҥже-влак», «Марий сылнымут да йылме», «Марий калык йӱла-влак» йыжыҥлаште уш-акылыштым тергеныт. Гран-прим Шернур районын «Шернур-Марисола» командыже (снимкыште) налын. Икымше верышке «Эр ӱжара» команде (Марий Турек школ) лектын, кокымшыш – «Онар» (Параньга, Матародо), кумшыш – «Волгенче» (Морко, Коркатово). Сеҥыше-влакым 10 декабрьыште Марий тиште кечылан пӧлеклалтше Марий тӱвыра форумышто саламлат.
