Шке ыштыме книга

Ме утларакше тӱрлӧ издательствыште савыктен лукмо книга-влакым кидышкына налына. Шке ыштыме савыктыш-влак моткоч шуэн вашлиялтыт. Советский район Роҥго школын тунемшыже-влак библиотекылан шке гыч ыштыме книга-шамычым пӧлекленыт. Теве 5-ше классыште тунемше Аня СТЕПАНОВА (снимкыште) пӱртӱсым аралыме нерген калыкмут-влакым чумырен.

– Увер-влакым книгалаште да Интернетыште кычалынам. Нуным принтер гоч печатлен луктынам. Тӱрлӧ чия дене шкеак сӱретленам. Мыланем авам полшен. Йоча-влак книгамым кучылташ тӱҥалыт манын ӱшанем, – ойла ӱдыр.