Руэм кыдалаш школ пелен кудывечысе площадке пашам ыштен. Тушко 5-6-шо класслам тунем пытарыше ӱдыр-рвезе-влак коштыныт. Нуно тӱрлӧ сомылым шуктеныт. Ойганен шарныме кече вашеш Имэҥер ялышке миеныт. Кугу Ачамланде сарыште кредалше-влакым шарныме лӱмеш обелиск воктеке пеледышым пыштеныт, почеламутым лудыныт. Школ кудывечыште арулыкым эскереныт. Тӱрлӧ спорт модмаште вий-куатыштым тергеныт. Корнышто коштмо правил-влакым ушештареныт.
Л.ПАВЛОВА, Т.ТИТОВА.
Медведево район.
