Кужэҥер район Шӱдымарий школын 9-ше классыштыже тунемше Иван Лукьянов технологий дене республикысе олимпиадылан школын эмблемыжым ямдылен.
– Эмблемын девизше – «Творчество, гармония, мир». Молан лач тиде кум мутым ойыренам? Паша – мыйын усталыкем. Уш-акыл поянлыкем да кид мастарлыкем иктыш ушен, эмблемым ыштенам. Тӱня – шочмо школем. Эмблемым ышташ мый пистым да органический яндам ойыренам. Оргяндаште сӱретым ышташ манын, компьютерысе программым кучылтынам, – ойла рвезе.
Иванлан технологий урокым туныктышо Иван Данилович ден программированийым палыше Дмитрий Иванович Григорьевмыт полшеныт. Эмблемыште кечым, книгам, лышташнерым сӱретлыме.
– Кече волгыдылыкым ончыкта, книга – шинчымашым. Волгыдылык ден шинчымаш сеҥымаш дек корным почыт. Лышташнер – тиде самырык тукым.
