Волжский район Пӧтъял школышто тимуровский толкынын йӱлаже аралалтын. Тунемше-влак школ пеленысе участкылаште арулыкым эскерат, пӱртӱсым аралат. «Шонанпыл» йоча организацийын еҥже-влак шоҥгыеҥ, туныктышо-ветеран-влаклан полшат. Нуным пайремла дене саламлат. Оборонно-массовый да военно-патриотический паша месячник жапыште шоҥгыеҥ-влаклан лумым куаш полшеныт (снимкыште). Тукымла коклаште вашкыл эре лийшаш. Шоҥгыеҥлан порын каласыме ик шомакшат коклан нимо деч шергакан.
Н.ВАСИЛЬЕВА.
