Республикысе марий тӱвыра рӱдер «Шочмо эл нерген муро» регион-влак кокласе конкурсым эртара. Тудо Марий Элын 100 ияш лӱмгечыжлан да Калык-влакын икоян улмо кечыштлан пӧлеклалтеш. Танасымашке ушнашлан Марий Эл нерген мурым шочмо йылме дене мурыман. Тидым видеош войзыман да 28 октябрь марте mari_centr_konkurs@mail.ru электрон адрес дене колтыман.
Родо-тукым дек унала мийымем годым бассейныштышт ала-мо ужарге койылалтмым ужым. Эн ончыч шудо пырче манын шоналтышым, вара шудышырчыкым ушештарыш. Туп дене кия ыле. Лукна – богомол улмаш (снимкыште). Ӱстембаке пыштышна.…
«Нацийын кроссшо» таҥасымашын районысо йыжыҥже Моркышто шукерте огыл эртаралтын. Тушко шукын уш неныт, Арын школ гыч икмынярын лийынна. Кече мотор шоген. Леве мардеж куржталше-влаклан вийым ешарен. Мый финишыш нылымше пуренам.…
