Кугезе кочам Михаил Александрович Александров 1923 ий 18 июньышто Сотнур районысо Эҥерӱмбал Шале ялеш шочын. Кугу Ачамланде сар тӱҥалмеке, шочмо элым аралаш каен. Штабыште писарьлан ыштен да стрелок лийын. 1943 ий 26 ноябрьыште контузитлалтын. Черланымыжлан кӧра 1944 ийыште армий радам гыч демобилизоватлалтын.
Шочмо верыш пӧртылмекыже, Морко комсомол райком секретарьлан пашам ыштен. 1948 ий гыч 1983 ий марте Морко районысо школлаште туныктышылан, завучлан, директорлан пашам ыштен. Кугезе кочам дене кугешнем.
Иван АЛЕКСАНДРОВ.
Морко, Арын.
