Кугу Ачамланде сар тӱҥалмеке, Морко мланде латкум тӱжем наре еҥым фронтыш ужатен. Нунын коклаште мыйын кугезе кочам Иван Васильевич Васильев лийын. Тудо 1942 ийыште сарыш каен, ечызе-влакым ямдылыме полкыш логалын, стрелок лийын. Кугезе кочам ятыр ола ден ялым фашист тӱшка деч утарымаште кредалын. Тыге сеҥымашым лишемдаш полшен. «За победу над Германией» медаль дене палемдалтын. Шочмо мландышке пӧртылмекыже, Ярамарий школышто туныктен.
Даниил АЛЕКСЕЕВ.
Морко, Коркатово.
